專業電訊手機寬頻報價為中小企業及個人尋找最優惠及適合的方案。此外，你可以瀏覽我們的網站資料、解答你一些基本常見問題及詞彙。
我們秉承「以客為先」的服務宗旨，致力為客戶提供優質服務及聆聽您所需，確保以專業意見服務顧客。我們旨在為不同客戶提供無時間或區域限制的服務，並推動快捷簡易的報價流程，從系統轉變中令您得益。
申請寬頻小知識：
講完價錢，不如又講下一啲申請寬頻要注意嘅小知識。我諗大家都試過，覺得俾寬頻公司呃咗咁：明明話係100M，做乜到要上下載嘢嘅時候，每秒又係得個一千幾百K？等我哋首先幫你搞清楚幾個寬頻上網觀念先啦：
1）乜嘢係光纖上網？
過去我哋嘅寬頻上網，係使用銅線作為傳送資料嘅媒介，傳輸率相對比較低。而近年我哋開始多用咗傳輸率較高嘅光纖上網。光纖其實係由玻璃同塑料製成，成本平得嚟功率又高，最高速理論上可達10G或以上，所以光纖就開始取代咗銅線，成為主要嘅上網連網技術喇。目前市面有提供的光纖上網，速度慢至1M，快至10G都有，當然價錢會有所不同。
2) 街站或搵我地申請同官方網上申請，價錢都唔同？
網上申請上網服務，當然比較方便，但其實部份嘅寬頻服務，你係街站搵我地申請，價錢都會比較平，根據消委會最新嘅調查，網上行、香港寬頻、有線寬頻及3，於街站申請都有機會較平，但實際情況就要睇你係住咩地區喇。
3）公屋同私樓唔同價錢？
對，同一服務，同一公司，公屋同私樓用戶價錢都不同。除咗公、私樓嘅分別，不同區份亦會有不同的優惠價。此外，部分村屋最近亦開始有光纖入屋服務，但好多時都要俾較高嘅價錢，甚至要俾額外嘅安裝費。
4）光纖入屋定入機房？
另外一個影響網速嘅就係光纖到底係入屋定只係到機房喇。如果係FTTB（Fiber-to-the-Building），即係話光纖只係到你座大廈嘅機房，而由機房到你個住宅單位只係用銅線，代表你要同全大廈用同一寬頻公司嘅人Share速度，速度上非常冇保障。而FTTH（Fiber-to-the-Home）就即係光纖直接入到你所在嘅住宅單位，確保咗你嘅上網速度。
5）上載同下載速度其實不同
當你申請寬頻時，Sales其實係話你聽兩個速度，下載速度一般比上載快，例如當佢話「500M/100M」嘅時候，就代表下載速度係500M，上載速度就係100M。
6）你的電腦會影響上網速度
你所用的電腦設備，包括數據器同Router亦會對速度有影響。有啲寬頻公司提供速度保證計劃嘅時候，都有限制你電腦嘅規格。
7）點先係真正速度？
好喇，重點係，其實就算係500M下載，唔代表你可以1秒內下載500MB嘅檔案，因為佢哋用嘅單位係不同的！寬頻公司口中嘅500M，其實係指網速，而佢哋用嘅單位係bit（位元），而唔係Byte（位元組）。8 bit先等於1 Byte，而我哋平時嘅電腦檔案大小，係用Byte做單位。所以對電腦嚟講，理論上，你要將網速（例如500M）除以8，先係真正速度。
咁你就將500M除以8=62.5M，係唔係就係每秒最高嘅下載速度？又唔係喎，因為係高速傳輸中，傳送1 Byte，就需要傳10 bit，其中2 bit用來做檢查碼。
好複雜？簡單啲講，將寬頻公司聲稱嘅速度除以10，就大約係你電腦最快嘅下載速度。例如佢話有500M下載速度，咁你每秒可下載嘅檔案，最大就有約50MB。咁算唔算快呢？其實都係睇你點用法啦。
5G家居寬頻是什麼？
5G家居寬頻使用電訊商的5G網絡代替光纖寬頻，將5G SIM卡插到5G路由器便可覆蓋全屋用Wi-Fi上網，無需師傅上門拉線。
5G家居寬頻與傳統光纖寬頻的分別？
傳統光纖寬頻有師傅拉線安裝，網絡穩定不易受干擾，至於5G家居寬頻使用5G網絡上網，勝在免安裝迅速用到。速度上，5G家居寬頻當然未能與1000M光纖寬頻相提並論，不過在電話上網速度上已是最快，如果住偏遠地區的村屋未必有高速光纖寬頻使用，往往要用只有6至8Mbps的村屋寬頻，確保高速分分鐘要捱貴Plan，又要麻煩師傅拉線，5G寬頻都是個好選擇！
5G網絡至少速度有100Mbps至200Mbps，足夠日常使用，只要地區有5G覆蓋便可。免拉線無需師傅上樓搞，將5G SIM卡插落5G路由器即可上網，有7日試用期，如不合適可以選擇終止，住唐樓覺得拉線麻煩便可使用，或租樓會搬屋不需勞煩師傅幫忙。5G家居寬頻要額外租用或購買5G路由器，而光纖寬頻則會連路由器，由師傅一併安裝。
適合用5G家居寬頻的人？
- 住村屋，偏遠地區
- 住唐樓，拉線麻煩
- 租樓，經常搬屋
- 要短期搬屋的人
5G家居寬頻同光纖寬頻有咩分別？點解要轉用5G家居寬頻？除傳統光纖寬頻外，電訊商因應5G Plan順勢推出5G家居寬頻，用5G網絡、標榜免拉線、插SIM卡即用。住偏遠地區傳統寬頻訊號弱、拉線麻煩、經常搬屋的人士恩物，適合住村屋、唐樓、租樓的大家參考！SmarTone、3香港、香港寬頻、中國移動均有推出5G家居寬頻，比較價錢速度，究竟5G家居寬頻邊間好？
最平5G家居寬頻比較：1. 數碼通 SmarTone 5G家居寬頻
數碼通 SmarTone 5G家居寬頻，價錢由HK$104至HK$198不等，免行政費，有7日試用保證，分12個月至24個合約，短期搬屋最適合。聲稱無限5G數據，不過是首200GB全速，其後FUP公平數據，可支援最多30部裝置。
SmarTone 5G家居寬頻指定使用路由器：
- HUAWEI 5G CPE Pro 2
- ZTE MC801A 5G INDOOR CPE
- OPPO 5G CPE T1a
- Linksys FGW3000
如月租5G路由器有包維修。
最平5G家居寬頻比較：2. 3香港5G寬頻
3香港5G寬頻無分首200GB全速，任用5G數據，數據體驗因應3香港5G網絡覆蓋而受影響。5G寬頻月費由HK$88至HK$198，行政費HK$18，7日試用期。5G寬頻計劃同時支援家居及辦公地址，如果是自己公司就更有用。限時優惠HK$88/月連5G路由器，至少24個月合約。普通5G月費為HK$148/月，24個月合約，如月費再包5G路由器，為HK$198/月，48個月超長合約！兩個5G寬頻計劃可再加購5G SIM卡優惠月費計劃（最多4張），最平HK$98/月有20GB本地數據及3,000本地通話分鐘，但要與額外加購SIM卡共享服務（申請1張會比較好）。
3香港5G寬頻指定使用路由器：
3 5G Broadband CPE Pro 3
- 月供HK$90/24個月 連保養；或
- 優惠價HK$2,160購買（原價HK$2,999）
